Direktor: Gələcəkdə İrpendəki liseylə nəinki əməkdaşlıq, həmçinin dostluq əlaqələri olmasını düşünürük
Bakı, 13 iyun, AZƏRTAC
Ukraynanın İrpen şəhərindəki akademik Zərifə Əliyeva adına liseyin şagirdləri, şəhər təhsil idarəsinin nümayəndəsi, həmin liseyin direktoru və müəllimi bu gün bizim qonağımız oldu. Biz fikirləşirik ki, gələcəkdə liseylərimiz arasında, şagirdlərimiz arasında nəinki əməkdaşlıq, həm də dostluq əlaqəsi olsun.
Bu fikri AZƏRTAC-a müsahibəsində akademik Zərifə Əliyeva adına liseyin direktoru Fərqanə İsayeva söyləyib.
“Biz təkcə İrpen şəhərindəki Zərifə Əliyeva adına liseylə deyil, eləcə də Naxçıvanın Şahtaxtı kəndində yerləşən, Zərifə xanımın adını daşıyan liseylə əməkdaşlıq etməyi düşünürük”, - deyə Fərqanə İsayeva bildirib.
Bölmənin digər xəbərləri
