Direktorların işə qəbulu imtahanlarının təşkilinə cəlb olunan əməkdaşlar COVID-19 testindən keçiriləcək
Bakı, 9 fevral, AZƏRTAC
Direktorların işə qəbulu imtahanları ənənəvi olaraq, Bakı şəhərində deyil, ölkənin müxtəlif şəhər və rayonlarında yaradılmış 24 imtahan mərkəzində karantin rejiminin müvafiq tələbləri çərçivəsində təşkil ediləcək.
AZƏRTAC xəbər verir ki, bunu jurnalistlərə müsahibəsində Təhsil Nazirliyinin İnsan resursları mərkəzinin əməkdaşı Tükəzban Quliyeva deyib. O bildirib ki, hər bir imtahan mərkəzində imtahanların təşkilinə cəlb olunan bütün əməkdaşlar COVID-19 testindən keçiriləcək. İmtahan mərkəzləri mövcud sanitar-epidemioloji tələblərə uyğun olaraq dezinfeksiya ediləcək.
Xatırladaq ki, fevralın 10-da dövlət ümumi təhsil müəssisələrində direktor vəzifəsinə işə qəbul üzrə müsabiqənin elektron sənəd qəbulu mərhələsi başlayır. Sənəd qəbulu fevralın 13-dək davam edəcək.
Bölmənin digər xəbərləri
