Direktorların işə qəbulu üzrə müsabiqə dörd mərhələdən ibarətdir
Bakı, 9 fevral, AZƏRTAC
Direktorların işə qəbulu üzrə müsabiqədə pedaqoji və ya idarəetmə ixtisas sahələri üzrə ali təhsili, 5 ildən az olmayaraq (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il) pedaqoji staja malik və hazırda ümumi təhsil müəssisələrində pedaqoji fəaliyyətlə məşğul olan şəxslər iştirak edə bilərlər.
AZƏRTAC xəbər verir ki, bunu jurnalistlərə müsahibəsində Təhsil Nazirliyinin İnsan resursları şöbəsinin əməkdaşı Tükəzban Quliyeva deyib. O bildirib ki, müsabiqə dörd mərhələdən ibarətdir: elektron sənəd qəbulu, test imtahanı, müsahibə və vakansiyalara yerləşdirilmə.
Xatırladaq ki, fevralın 10-da dövlət ümumi təhsil müəssisələrində direktor vəzifəsinə işə qəbul üzrə müsabiqənin elektron sənəd qəbulu mərhələsi başlayır. Sənəd qəbulu fevralın 13-dək davam edəcək.
Bölmənin digər xəbərləri
