Dmitri Peskov Səudiyyə Ərəbistanındakı danışıqlar barədə: Mühüm olan ABŞ-ın nə gözlədiyidir
Moskva, 10 mart, AZƏRTAC
Rusiya Prezidentinin mətbuat katibi Dmitri Peskov Ukrayna və ABŞ nümayəndə heyətləri arasında Səudiyyə Ərəbistanında gözlənilən danışıqlar barədə təsdiqlənmiş məlumatları şərh edib.
AZƏRTAC xəbər verir ki, mətbuat katibi deyib: “Səudiyyə Ərəbistanına gəlincə, burada bizim nəyi gözlədiyimizin heç bir əhəmiyyəti yoxdur. Burada mühüm olan ABŞ-ın nə gözləməsidir”.
Kreml sözçünün sözlərinə görə, müxtəlif səviyyələrdə dəfələrlə ABŞ-ın Kiyevdən sülh yolu ilə nizamlanmaya doğru irəliləmək istəyini nümayiş etdirməsini gözlədiyinə dair bəyanatlar səsləndirilib. “Baxın, yəqin ki, hamının gözlədiyi də budur”, -deyə mətbuat katibi əlavə edib.
D.Peskov onu da qeyd edib ki, Ukrayna rəhbərliyi nümayəndələrinin həqiqətən də sülh üçün səy göstərməyə hazır olub-olmaması qeyri-müəyyən olaraq qalır. “Bu, əlbəttə ki, çox vacibdir və müəyyən edilməlidir”, - deyə mətbuat katibi sözlərini yekunlaşdırıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
