Donald Tramp seçkilərdə məğlubiyyətini açıq şəkildə etiraf etmək niyyətində deyil
Bakı, 15 dekabr, AZƏRTAC
ABŞ-ın hazırkı Prezidenti Donald Tramp seçkiçilər kollegiyasının səsverməsindən sonra dövlət başçısı postu uğrunda seçkilərdə məğlubiyyətini açıq şəkildə etiraf etmək niyyətində deyil.
AZƏRTAC xəbər verir ki, bu barədə ənənəvi olaraq demokratları dəstəkləyən CNN telekanalı Ağ evdəki mənbələrinə istinadla məlumat yayıb. “Donald Tramp seçkiçilər kollegiyasının tarixi iclasına baxmayaraq, seçkilərin nəticələrini açıq şəkildə etiraf etmək yolunu tutmayıb”, - deyə telekanal bildirib.
ABŞ-ın hazırkı Prezidenti seçkilərdə məğlubiyyətini qəbul etmir və demokrat Cozef Baydenin qələbəsini məhkəmələrdə mübahisə obyektinə çevirməyə çalışır.
Seçkiçilər kollegiyasının dekabrın 14-də keçirilmiş səsverməsinin nəticələrinə əsasən, Demokratlar Partiyanın namizədi Cozef Bayden 306 səs, Respublikaçılar Partiyasının namizədi Donald Tramp isə 232 səs toplayıb.
Qeyd edək ki, səsvermənin nəticələri yanvarın 6-da Konqresin hər iki palatasının birgə iclasında təsdiq olunmalı, yanvarın 20-də isə ABŞ-ın yeni, 46-cı prezidentinin inauqurasiya mərasimi keçirilməlidir.
Bölmənin digər xəbərləri
