Dövlət Komissiyası: Yanvar-aprel aylarında “802” qaynar xəttinə 292 vətəndaş müraciəti daxil olub
Bakı, 29 may, AZƏRTAC
Cari ilin yanvar-aprel ayları ərzində Azərbaycan Respublikası Narkomaniya və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının “802” qaynar xəttinə 292 vətəndaş müraciəti daxil olub.
AZƏRTAC xəbər verir ki, bu müraciətlərin 33-ü narkotik vasitələrin qanunsuz dövriyyəsi, 26-sı narkotik asılılıqdan müalicə, 233-ü isə digər məsələlərlə (təkrar müraciət, qanunvericiliyin müddəalarının izahı, məcburi müalicəyə dair prosedurlar və s.) bağlı olub.
Qeyd olunan müraciətlər üzrə müvafiq tədbirlərin görülməsi üçün aidiyyəti orqanlara 59 məktub ünvanlanıb.
Bölmənin digər xəbərləri
