Dövlət Neft Şirkətinin Ekologiya İdarəsində tullantıların idarə olunması istiqamətində işlər davam etdirilir
Bakı, 6 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsində tullantıların idarə olunması istiqamətində işlər davam etdirilir.
AZƏRTAC xəbər verir ki, tullantıların yerləşdirilməsi və saxlanılması üçün idarənin “Tullantı Mərkəzi”ndə müasir tələblərə uyğun şərait yaradılmışdır. Burada zəruri avadanlıq, açıq havada saxlanılması mümkün olmayan tullantılar üçün yeni talvarlar quraşdırılmışdır. Ərazi müasir işıqlandırma sistemi ilə təmin olunmuşdur.
Bundan başqa, mərkəzdə qazma şlamının basdırılması üçün müasir tələblərə cavab verən 24 min kubmetr həcmində yeraltı tutum istifadəyə verilmişdir.
Mərkəzdə aparılan yenidənqurma işləri ilə əlaqədar qazma şlamının qəbulunda ətraf mühitin mühafizəsi və texniki təhlükəsizlik tələblərinin təmin edilməsinə xüsusi diqqət yetirilir. Mərkəzə gətirilən qazma şlamının yerləşdirilməsi və basdırılması əvvəlki illərlə müqayisədə operativ olaraq həyata keçirilir.
Bölmənin digər xəbərləri
