Dövlət Sərhəd Xidmətinin xüsusi məktəbində 20 Yanvar faciəsinin 24-cü ildönümü qeyd olunmuşdur
Bakı, 17 yanvar (AZƏRTAC). Yanvarın 17-də Ailə, Qadın və Uşaq Problemləri üzrə Dövlət Komitəsi Dövlət Sərhəd Xidmətinin Mərdəkan qəsəbəsindəki xüsusi məktəbində 20 Yanvar faciəsinin 24-cü ildönümü ilə bağlı yığıncaq keçirmişdir.
Tədbir iştirakçıları əvvəlcə Şəhidlər xiyabanına gələrək Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları üzərinə tər çiçəklər düzmüşlər.
Sonra uşaqlar məktəbdəki Heydər Əliyev Muzeyi ilə tanış olmuşlar.
Tədbirdə giriş sözü ilə çıxış edən Dövlət Sərhəd Xidmətinin şöbə rəisi, polkovnik Cabir Novruzov tarixə 20 Yanvar faciəsi kimi daxil olmuş bu hadisənin mahiyyətindən danışmışdır.
Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova 20 Yanvar hadisələri barədə uşaqlara geniş məlumat verərək bildirmişdir ki, xalqımızın yaddaşına həkk olunmuş bu tarix həm şəhidləri anma, həm də Azərbaycanın ərazi bütövlüyü uğrunda mübarizə aparan xalqımızın birliyi, həmrəyliyi günüdür.
Bölmənin digər xəbərləri
