DRENAJ ŞƏBƏKƏLƏRİ BƏRPA OLUNUR
Sabirabad, 6 iyul (AZƏRTAC). Dünya Bankının maliyyə yardımı ilə Sabirabad rayonunun kəndlərində drenaj şəbəkələrinin bərpası layihələrinin icrası davam etdirilir.
Artıq rayonun Cavad kəndində 1 milyon manatlıq meliorasiya tədbirləri həyata keçirilmişdir. Nizamikənd və Nəsimikənd yaşayış məntəqələrində isə ümumi dəyəri 1,2 milyon manat təşkil edəcək layihələrin tam reallaşdırılması planlaşdırılır. Artıq bu kəndlərdə nəzərdə tutulan işlərin 80 faizdən çoxu görülmüşdür. Ümumiyyətlə, həmin yaşayış məntəqələrində 70 kilometr uzunluğunda kanal, 40 kilometrlik kollektor lildən təmizlənmiş, 20-dək sunizamlayıcı quraşdırılmışdır.
Dünya Bankının maliyyə dəstəyi ilə həyata keçirilən layihələr 5 min hektar torpaq sahəsinin suvarma imkanlarını artıracaqdır.
Bölmənin digər xəbərləri
