DÜNYA BANKININ MİSSİYASI BAKIYA GƏLƏCƏK
Dünya Bankının əməkdaşlarından ibarət qrupun sentyabrın 30-da Bakıya gələcəyi gözlənilir. Səfər zamanı onlar respublikamızın təhsil sistemində islahatlar layihəsinin həyata keçirilməsi üçün Dünya Bankının ayırdığı 480 min dollar məbləğində qrant sazişinin gerçəkləşdirilməsinin gedişi ilə tanış olacaqlar.
Dünya Bankı 3-4 il müddətinə nəzərdə tutulan layihənin birinci mərhələsi üçün 14 milyon dollar ayırmağa razılıq vermişdir. Kredit ildə 0,7 faizlə 35 il müddətinə ayrılır. Gələn ilin yazınadək kredit sazişinin bütün təfərrüatı dəqiqləşdiriləcək, 2003-cü ilin dekabrında isə birinci mərhələnin gerçəkləşdiriıməsinə başlanacaqdır. Həmin mərhələdə təhsil sistemində köklü islahatların aparılması, müəllimlərin ixtisasının artırılması, təhsil proqramlarının təkmilləşdirilməsi, təhsilin idarəedilməsi sisteminin kompüterləşdirilməsi nəzərdə tutulmuşdur.
Bölmənin digər xəbərləri
