Dünya birjalarında neftin qiyməti bir qədər sabitləşmişdir
Bakı, 7 may (AZƏRTAC). Ötən gün dünya bazarlarında kəskin ucuzlaşan “qara qızıl”ın qiyməti bir qədər sabitləşmişdir.
AZƏRTAC “Bloomberg” agentliyinə istinadla xəbər verir ki, Nyu-Yorkun “NYMEX” (New York Merchantile Exchange) birjasında “Layt” markalı neftin bir barrelinin qiyməti 1 dollar 43 sent artaraq 102,38 dollar, Londonun İCE (İnterContinental Exchange Futures) birjasında keçirilən hərraclarda “Brent” markalı neftin bir barrelinin qiyməti 1 dollar 59 sent yüksələrək 114,24 dollar olmuşdur.
Azərbaycan Respublikası Dövlət Neft Şirkətinin Marketinq və İqtisadi Əməliyyatlar İdarəsindən bildirmişlər ki, ötən gün “Azəri Layt” markalı neftin bir barreli isə beynəlxalq birjalarda 117,02 dollara satılmışdır.
Bölmənin digər xəbərləri
