DÜNYA SƏHİYYƏ TƏŞKİLATININ EKSPERTLƏRİ AZƏRBAYCANA GƏLMİŞLƏR
Əvvəlki günlərdə hospitallaşdırılmış 8 xəstədən 6-sı sağalaraq xəstəxanalardan evə yazılmışlar.
Dünya Səhiyyə Təşkilatının (DST) tövsiyyələrinə uyğun olaraq aparılmış müalicəyə baxmayaraq, Salyan rayonunun Sarvan kənd sakini Günel Qasımova martın 8-də vəfat etmişdir. Salyan rayonunun Dayıkənd kəndinin sakini Şahmar Əsgərovun vəziyyəti isə ağırdır.
Səhiyyə Nazirliyinin müraciətinə əsasən, konsultasiya köməyi göstərilməsi üçün DST-nin iki eksperti respublikamıza gəlmiş və martın sonunadək ölkəmizdə olacaqlar.
Quş qripi virusunun müayinəsi və identifikasiyası məqsədi ilə götürülmüş nümunələr Londonun referent laboratoriyasına göndərmək üçün hazırlanır.
Səhiyyə Nazirliyi bir daha əhaliyə müraciət edərək quşlarla qəti olaraq təmasdan yayınmağı, xəstə və ya ölü quş ilə təmasdan sonra xəstəlik əlamətləri hiss etdikdə dərhal tibb müəssisəsinə müraciət etməyi, şəxsi gigiyena qaydalarını gözləməyi xahiş edir.
Bölmənin digər xəbərləri
