Dünyanın ən xoşagəlməyən himni müəyyənləşdirilmişdir
Bakı, 31 iyul (AZƏRTAC). Britaniyanın “The Telegraph” nəşri London Olimpiadasında iştirak edən dövlətlərə məxsus ən xoşagəlməyən himni müəyyənləşdirmişdir.
Nəşr İspaniyanın himnini dünyanın ən pis himni hesab etmişdir.
Aparılan araşdırmalar nəticəsində növbəti yerlərdə Koreya Xalq Demokratik Respublikası, Uruqvay və Yunanıstan dayanır. Siyahını Əlcəzair, Kolumbiya, İraq, Burkino-Faso, Qazaxıstan, Konqo Demokratik Respublikası tamamlayır.
Qeyd edək ki, bu tip reytinqlərdə nəticələr heç bir arqumentə əsaslanmır. Məsələn, “The Telegraph”ın İspaniyanı bu siyahıya daxil etməsinə səbəb bu ölkənin himnində sözlərin olmamasıdır.
2007-ci ildə İspaniyada dövlət himn üçün ən yaxşı sözlərin yazılması üzrə müsabiqə keçirilsə də, ictimaiyyətin kəskin tənqidləri sonda təşkilatçıları himnə sözlərin əlavə edilməsi fikrindən daşınmağa vadar etmişdir.
Bölmənin digər xəbərləri
