ƏCNƏBİLƏR Bİ-Bİ-Sİ-NİN SAYTINDAN GÖTÜRDÜKLƏRİ XƏBƏRLƏRİN HAQQINI ÖDƏMƏLİ OLACAQLAR
Bi-Bi-Si Uorlduayd şirkətinin strategiya və yeni texnologiyalar üzrə direktoru Devid Mudi demişdir ki, “artıq indi bbc.co.uk beynəlxalq traffikini kommersiyalaşdırmaq vaxtdır”. Onun fikrincə, hazırda bazarda çox sayda qlobal yayımçılar işləyir və onların arasındakı fərq proqram məhsulunun ancaq keyfiyyətindədir.
Bi-Bi-Si xaricdəki istifadəçilər hesabına korporasiyanın necə qazanc götürə biləcəyini müəyyənləşdirmək xahişi ilə “Accenture” məsləhətçi firmasına müraciət etmişdir. Məsələ bundadır ki, ingilislərdən fərqli olaraq, əcnəbilər Bi-Bi-Si-nin proqramlarından istifadəyə görə haqq ödəmirlər.
“Qardian” diqqəti ona cəlb edir ki, Bi-Bi-Si-nin yeni təşəbbüsü Avropa Rəqabət Komissiyası ictimai yayımçıların yeni texnologiyalardan istifadəsi haqqında məruzəsini açıqladıqdan sonra məlum olmuşdur. Məruzədə xüsusi vurğulanır ki, Bi-Bi-Si kimi şirkətlərin işi internetdə normal rəqabətə əngəl törətməməlidir. Bundan əvvəl Bi-Bi-Si-nin rəhbərliyi xəbərdarlıq etmişdi ki, korporasiyanın saytının inkişaf xərclərini britaniyalılar öz ciblərindən ödəməli olacaqlar.
Bölmənin digər xəbərləri
