Efiopiyada baş vermiş iğtişaşlarda 166 nəfər ölüb
Qahirə, 7 iyul, AZƏRTAC
Efiopiyada populyar müğənni Haçal Hundessanın qətlindən sonra baş vermiş iğtişaşlarda 166 nəfərin öldüyü bildirilir. Bundan başqa, Paytaxt Əddis-Əbəbədə və müğənninin vətəni olan Oromiya bölgəsində polislə nümayişçilər arasında qanlı toqquşmalarda yüzlərlə insan yaralanıb. Onların arasında hüquq-mühafizə orqanlarının əməkdaşları da var.
AZƏRTAC xəbər verir ki, Oromiya bölgəsinin polis idarəsi iğtişaşlarda 11 polis əməkdaşının həlak olduğunu bildirib. Hökumət nümayişlərin qarşısını almaq məqsədilə təhlükəsizlik tədbirlərini gücləndirib, etiraz dalğasının daha çox yayılmaması üçün ölkənin bəzi bölgələrində internetə girişləri bağlayıb.
Müğənni Hundessa oroma etnik qrupunun hüquqlarının müdafiəçisi kimi tanınırdı. Məhz onun fəaliyyəti 2018-ci ildə hökumətin istefasına səbəb olmuşdu.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
