Efiopiyada kəndə hücum edən naməlum silahlılar 30 nəfəri qətlə yetirib
Bakı, 1 aprel, AZƏRTAC
Efiopiyanın Oromiya regionunun qərbində yerləşən kəndlərin birinə silahlıların hücumu zamanı 30 nəfər qətlə yetirilib, 15 nəfər isə yaralanıb.
AZƏRTAC Reuters agentliyinə istinadla xəbər verir ki, həlak olanların etnik amharalar olduğu bildirilir.
Yerli hakimiyyət orqanları hücumda hərbiləşdirilmiş Oromo azadlıq ordusunu günahlandırır. Lakin qruplaşma dinc siyasi mübarizəyə sadiq qaldığını bildirərək hücumla bağlılıqlarını inkar edib.
Qeyd edək ki, Oromo say etibarilə Efiopiyanın ən böyük, Amhara isə ikinci etnik qrupudur. Amhara və Oromiya regionları ümumi sərhədlərə malikdir. Son aylar ərzində bu etnik qruplar arasında barışmaz qarşıdurma və gərginlik xeyli artıb.
Bölmənin digər xəbərləri
