Əfqanıstanda yağışla əlaqədar insidentlər nəticəsində 36 nəfər həlak olub
Bakı, 26 fevral, AZƏRTAC
Əfqanıstanda yağışla əlaqədar insidentlər nəticəsində azı 36 nəfər ölüb, 40 nəfər isə yaralanıb.
AZƏRTAC xəbər verir ki, təbii fəlakət nəticəsində 300-dən çox yaşayış evi dağılıb, yüzlərlə hektar kənd təsərrüfatı sahəsini sel basıb.
Qəndəhar və Helmand əyalətlərində güclü daşqınlar nəticəsində ciddi tələfat və dağıntılar baş verib.
Əfqanıstanın əksər bölgələrində, o cümlədən paytaxt Kabildə yağıntıların davam edəcəyi proqnozlaşdırılıb.
Bölmənin digər xəbərləri
