Əhaliyə ödənişlərin maliyyələşdirilməsinə 5 milyard 84 milyon manat vəsait sərf olunub
Bakı, 26 dekabr, AZƏRTAC
Dövlət Sosial Müdafiə Fondunun xərcləri 5 milyard 250 milyon manat həcmində olub. Bu, ötən ilin göstəricilərinə nisbətən 407.8 milyon manat və ya 8.4 faiz daha çoxdur. Gəlirlərin 97 faizi əhaliyə ödənişlərin maliyyələşdirilməsinə sərf olunub. Belə ki, həmin məqsədlə 5 milyard 84 milyon manat vəsait sərf olunub. Bu da keçən illə müqayisədə 7.8 faiz və ya 367 milyon manat çoxdur.
AZƏRTAC xəbər verir ki, bunu Dövlət Sosial Müdafiə Fondu İdarə Heyətinin sədri Himalay Məmişov 2022-ci ilin yekunlarına dair mətbuat konfransında deyib.
H.Məmişovun sözlərinə görə, bu il əmək pensiyalarının maliyyələşdirilməsinə 4 milyard 946 milyon manat sərf olunub ki, bu da ötən illə müqayisədə 7.8 faiz və ya 360 milyon manat çoxdur. Məcburi dövlət sosial sığorta üzrə müavinətlərin maliyyələşdirilməsinə 137.6 milyon, digər xərclərin maliyyələşdirilməsinə isə 166.5 milyon manat vəsait sərf olunub. Bu il ilk dəfə olaraq pensiyaçılara maddi yardım ödənilib ki, bu zaman 275, 8 milyon manat xərclənib".
Bölmənin digər xəbərləri
