Ekologiya və təbii sərvətlər naziri Xaçmazda vətəndaşları qəbul etmişdir
Xaçmaz, 2 oktyabr (AZƏRTAC). Oktyabrın 2-də ekologiya və təbii sərvətlər naziri Hüseynqulu Bağırov Xaçmazda bu rayondan, eləcə də Quba, Qusar, Şabran, Xızı və Siyəzəndən olan vətəndaşları qəbul etmişdir.
AZƏRTAC xəbər verir ki, Xaçmaz şəhərindəki Heydər Əliyev Mərkəzində nazirliyin idarə və departamentlərinin, həmçinin tabeli qurumlarının rəhbərlərinin iştirakı ilə keçirilmiş qəbulda 60-a yaxın vətəndaşın müraciətlərinə baxılmışdır.
Qəbulda ətraf mühitin və ekoloji tarazlığın mühafizəsi, meşələrin qorunması, hidrometeorologiya, geologiya, biomüxtəliflik, ətraf mühitin monitorinqi və s. məsələlərlə bağlı şikayət və təkliflər dinlənilmişdir.
Şikayət xarakterli müraciətlər qeydə alınaraq hərtərəfli öyrənilməsi və qanunvericiliyə uyğun müvafiq tədbirlərin görülməsi, eyni zamanda, aidiyyəti qurumlara çatdırılması üçün nazirliyin müvafiq strukturlarının rəhbərlərinə konkret tapşırıqlar verilmiş, vətəndaşları narahat edən bəzi məsələlər isə yerindəcə həllini tapmışdır.
Bölmənin digər xəbərləri
