Əlcəzair portalı: 2023-cü il Azərbaycanda “Heydər Əliyev İli” elan edilib
Qahirə, 30 sentyabr, AZƏRTAC
Əlcəzairin “Əl Hərir” portalında Azərbaycan Prezidenti İlham Əliyevin 2023-cü ilin ölkəmizdə “Heydər Əliyev İli” elan edilməsi haqqında Sərəncam imzalaması barədə xəbər yayımlanıb.
AZƏRTAC-a istinadla yayımlana xəbərdə diqqətə çatdırılıb ki, Sərəncamda 2023-cü il mayın 10-da Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olduğu qeyd edilir.
Əlcəzairli oxuculara məlumat verilib ki, Azərbaycanın dövlət başçısı Prezident Administrasiyasına Azərbaycan Respublikasında 2023-cü ilin “Heydər Əliyev İli” elan edilməsi ilə bağlı tədbirlər planına dair təkliflərini iki ay müddətində hazırlayıb təqdim etməyi tapşırıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
