ƏLİL İDMANÇILAR ARASINDA STOLÜSTÜ İDMAN OYUNLARI ÜZRƏ YARIŞLAR BAŞA ÇATMIŞDIR
AZƏRTAC xəbər verir ki, Respublika Şahmat Mərkəzində keçirilən əlillərin stolüstü idman oyunları üzrə ikinci ümumrespublika yarışlarının Bakı zona turnirinə yekun vurulmuşdur. Şahmat, dama, nərd və armrestling üzrə keçirilmiş yarışlarda 170-ə yaxın idmançı iştirak etmişdir.
Kişilərin mübarizəsində Vidadi Quliyev (şahmat), Aydın Zeynalov (dama), Eldar Sultanov (nərd), Yaşar Məmmədov (armrestling 70 kq-dan yuxarı) və Elnur Əlizadə (armrestling 70 kq-dan aşağı) birinci yeri tutmuşlar.
Qadınların turnirində isə Anabacı Quliyeva (şahmat) və Dürrə Hüseynli (dama) birincilik qazanmışlar.
Yarışlara respublika dərəcəli hakim Adil Ağayev rəhbərlik etmişdir.
Turnirdə ilk üç yeri tutmuş idmançılar noyabrın 19-dan 21-dək Bakıda keçiriləcək ümumrespublika oyunlarının final mərhələsinə vəsiqə qazanmışlar.
Bölmənin digər xəbərləri
