Elmin İnkişafı Fondunda 20 Yanvar şəhidlərinin xatirəsi yad edilmişdir
Bakı, 17 yanvar (AZƏRTAC). Yanvarın 17-də Azərbaycan Respublikasının Prezidenti yanında Elmin İnkişafı Fondunda (EİF) 20 Yanvar şəhidlərinin xatirəsini anma mərasimi keçirilmişdir.
EİF-dən AZƏRTAC-a bildirmişlər ki, əvvəlcə faciə qurbanlarının xatirəsi bir dəqiqəlik sükutla yad olunmuşdur.
Tədbirdə çıxış edənlər Azərbaycan xalqının inam və iradəsini sarsıtmaq məqsədi güdən təcavüzkar imperiya siyasətinin nəticəsi olan 20 Yanvar faciəsinin siyasi-mənəvi mahiyyətindən danışmışlar.
Sonra Qara Yanvara həsr olunmuş sənədli film və digər materiallar nümayiş etdirilmişdir.
Daha sonra fondun kollektivi 20 Yanvar hadisələri zamanı şəhid olmuş qəhrəmanların əbədiyyətə qovuşduğu Şəhidlər xiyabanını ziyarət etmişdir. Vətənin azadlığı, müstəqilliyi uğrunda canlarından keçmiş vətənpərvər Azərbaycan övladlarının əziz xatirəsi yad edilmiş, məzarların üzərinə gül dəstələri qoyulmuşdur.
Bölmənin digər xəbərləri
