Əməkdar məşqçi Hacıbaba Əsgərovun xatirəsinə həsr olunmuş ağır atletika turniri keçiriləcək
Bakı, 20 dekabr, AZƏRTAC
Dekabrın 22-də “AAAF Park” yaşayış kompleksinin yarış zalında Azərbaycanın Əməkdar məşqçisi, beynəlxalq dərəcəli hakim Hacıbaba Əsgərovun xatirəsinə həsr olunmuş ağır atletika üzrə respublika turniri keçiriləcək.
Azərbaycan Ağır Atletika Federasiyasından AZƏRTAC-a bildiriblər ki, şəxsi xarakter daşıyan yarışda qadın və kişi atletlərlə yanaşı, ustadlar da iştirak edəcəklər. Qaliblər Sinkleyr cədvəli əsasında müəyyən ediləcək. Qalib və mükafatçılara müvafiq dərəcəli diplom, medal və xatirə hədiyyələri təqdim olunacaq.
Xatirə turnirinin təşkilində məqsəd Hacıbaba Əsgərovun həyat yolunun və idman fəaliyyətinin gənc idmançılar arasında təbliği, ağır atletikanın inkişaf etdirilməsi, idmançıların ustalıq səviyyəsinin artırılmasıdır.
Bölmənin digər xəbərləri
