Enerji Məsələlərini Tənzimləmə Agentliyinin elektrik və təbii qaz qurğularında texniki yoxlamaları artıb
Bakı, 9 iyul, AZƏRTAC
Cari ilin ikinci rübündə Enerji Məsələlərini Tənzimləmə Agentliyi (AERA) tərəfindən elektrik qurğularının texniki istismarı, təhlükəsizlik texnikası qaydalarına əməl olunması və elektrik enerjisindən istifadənin vəziyyətinin araşdırılması məqsədilə aparılan texniki yoxlamaların sayı birinci rüblə müqayisədə 13,5 faiz artaraq 42-yə çatıb.
Agentlikdən AZƏRTAC-a bildirilib ki, ikinci rübdə təbii qazdan səmərəli istifadənin, “Qazdan istifadə Qaydaları”nın və qaz qurğularının etibarlı istismarının, həmçinin digər normativ-hüquqi aktların tələblərinə əməl olunmasının vəziyyətinin araşdırılması məqsədilə aparılan texniki yoxlamaların sayı isə ilk rüblə müqayisədə 7,8 faiz artaraq 41-ə yüksəlib.
Bölmənin digər xəbərləri
