ƏRƏB ÖLKƏLƏRİ MÜSƏLMAN TƏQVİMİ İLƏ YENİ, 1425-Cİ İLİ QEYD EDİRLƏR
Ərəb ölkələrində Məkkə təqvimi ilə yeni il gəlmişdir. Müsəlmanların təzə ili Məkkə vaxtına və onun baş məscidi olan “Məscid-ül-Haram”ın coğrafi koordinatlarına əsasən müəyyənləşdirilir. Fevralın 21-i Hicri ilə 1425-ci ilin məhərrəm ayının birinci günüdür. Müsəlman təqvimi 622-ci il iyul ayının 15–dən hesablanır. Bu tarix Məhəmməd peyğəmbərin Allahın kəlamını təbliğ etməyə başladığı vaxtla üst-üstə düşür. O zamanlar Məkkənin əksər sakinləri tərəfindən dəstəklənməyən Peyğəmbərimiz öz doğma şəhərini tərk etməyə və ərəblərın digər iri mərkəzinə - Yəsribə köçməyə (hicrət etməyə) məcbur olmuşdur. Sonradan bu şəhər ilk İslam dövlətinin paytaxtına çevrilmiş və Mədinə - Peyğəmbər şəhəri adını almışdır.
Hicri ili 354 gün 8 saat 48 dəqiqə 34 saniyədir. İl hər birində 29 gün 12 saat 2,87 saniyə olan 12 aydan ibarətdir.
Müsəlman ili xristian ilindən qısa olduğu üçün Hicri tarixi, İsa peyğəmbərin anadan olduğu gündən hesab edilən “Mövludi-Məsih” təqviminə getdikcə yaxınlaşır.
Bölmənin digər xəbərləri
