ERMƏNİSTAN BEYNƏLXALQ TƏŞKİLATLARIN QƏRARLARINA MƏHƏL QOYMUR

26.06.2006 [02:05]
Çap et
A⁺ A^-

Ermənistan-Azərbaycan, Dağlıq Qarabağ münaqişəsi və bütün başqa məsələlər yalnız və yalnız müəyyən çərçivələrdə, beynəlxalq hüquq normaları əsasında həllini tapa bilər. Kiminsə arzusu və istəyi ilə bu məsələ həll oluna bilməz. AZƏRTAC-ın verdiyi xəbərə görə, bunu Heydər Əliyev adına Azərbaycan Ali Hərbi Məktəbin növbəti buraxılışına həsr olunmuş mərasimdə Prezident İlham Əliyev söyləmişdir.

Beynəlxalq hüququn bütün ölkələrə şamil edildiyini vurğulayan Prezident demişdir ki, dövlətlərin hamısı Birləşmiş Millətlər Təşkilatının üzvləridir və BMT dünyanın bir nömrəli təşkilatıdır. Bu təşkilatın Ermənistan-Azərbaycan münaqişəsinə dair 4 qətnaməsi vardır. Orada açıq-aşkar deyilir ki, işğalçı silahlı qüvvələr zəbt olunmuş torpaqlardan qeyd-şərtsiz çıxmalıdır. Avropa Şurasının qəbul etdiyi qətnamədə Ermənistan təcavüzkar dövlət kimi tanınır. GUAM təşkilatı dondurulmuş münaqişələrə dair bəyanat qəbul etmişdir. İqtisadi Əməkdaşlıq Təşkilatının da müvafiq qətnaməsi vardır. Ancaq Ermənistan heç bir beynəlxalq təşkilatın qərarına məhəl qoymur. Belə olan halda, biz bütövlükdə beynəlxalq tənzimləmə mexanizmlərinə artıq ümidsizliklə yanaşırıq.

ERMƏNİSTAN BEYNƏLXALQ TƏŞKİLATLARIN QƏRARLARINA MƏHƏL QOYMUR

MÜƏLLİFLƏ ƏLAQƏ

Bölmənin digər xəbərləri