Ermənistanda koronavirusdan ölənlərin sayı 900 nəfərə çatır
Tbilisi, 6 sentyabr, AZƏRTAC
Ermənistanda COVID-19 virusuna yoluxanların və pandemiya qurbanlarının sayı artmaqda davam edir.
Son sutka ərzində bu ölkədə daha 134 nəfərdə koronavirus aşkarlanıb.
AZƏRTAC xəbər verir ki, bu barədə məlumatı ölkənin Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.
Bildirilir ki, bununla da Ermənistanda virusa yoluxanların sayı 44 min 783 nəfərə çatıb.
Pandemiya qurbanlarının sayı isə 897-yə yüksəlib, onların da 2-si son 24 saat ərzində dünyasını dəyişib.
Digər səbəblərdən ölən COVID-19 xəstələrinin sayı isə 275 nəfərdir.
Hazırda Ermənistanda 3522 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
