ERMƏNİSTANDA QİDA ZƏHƏRLƏNMƏLƏRİNİN SAYI XEYLİ ARTMIŞDIR
Bakı, 20 avqust (AZƏRTAC). Ermənistanda qida zəhərlənmələrinin sayı xeyli artmışdır. Təkcə son iki gündə ölkənin ərazisində 70-dək belə fakt qeydə alınmışdır.
Bu barədə Ermənistanın rəsmi informasiya agentliyi - “Armenia today” xəbər verir.
Ermənilərin Axuryan adlandırdığı Düzkənd rayon xəstəxanasından polisə 3 uşağın zəhərlənməsi ilə bağlı məlumat daxil olunmuşdur. Tibbi ekspertiza zamanı aydın olmuşdur ki, onlar tərkibində siçan zəhəri olan çörək yemişlər. Elə həmin gün eyni halla daha 10 uşaq ayrı-ayrı xəstəxanalara yerləşdirilmişdir.
Qida zəhərlənməsi ilə bağlı digər bir fakt isə Yerevanda qeydə alınmışdır. “Qeqam” restoranında 41 turist yeməkdən zəhərlənmişdir. Turistlərin hamısı xəstəxanaya yerləşdirilmişdir. Onlardan 21 nəfərin vəziyyəti orta-ağır qiymətləndirilir.
Rəsmi statistikada göstərilir ki, ölkədə hər ay yüzlərlə insan qida zəhərlənməsinə məruz qalır. Bu da Ermənsitanda satışda olan məhsulların keyfiyyətinə nəzarətin olmamasından irəli gəlir.
Bölmənin digər xəbərləri
