Ermənistanda virusa yoluxanların sayı 44 min 649-a çatıb
Tbilisi, 5 sentyabr, AZƏRTAC
Ermənistanda COVID-19 virusuna yoluxma halları artmaqda davam edir.
Son 2 saat ərzində ölkədə daha 188 nəfərdə koronavirus aşkarlanıb.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Bildirilir ki, bununla da Ermənistanda virusa yoluxanların sayı 44 min 649-a, pandemiya qurbanlarının sayı isə daha 4 nəfər artaraq 895-ə çatıb.
Digər səbəblərdən dünyasını dəyişən koronavirus xəstələrinin sayı isə 275 nəfər təşkil edir.
Hazırda Ermənistanda 3 min 656 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
