Estoniyada HIMARS və “Caesar” artilleriya sistemlərinin döyüş atışları başlayıb
Bakı, 1 oktyabr, AZƏRTAC
Estoniya ordusu ölkənin cənub-şərqində yerləşən Nursipalu poliqonunda ikigünlük hərbi təlimlərə başlayıb.
AZƏRTAC xəbər verir ki, “Postimees” qəzetinin məlumatına görə, Estoniya hərbçiləri təlimlər çərçivəsində ilk dəfə HIMARS reaktiv yaylım atəş sistemlərindən, “Caesar” özüyeriyən artilleriya qurğularından və 120 millimetrlik minaatanlardan döyüş atışları həyata keçirəcəklər.
Xatırladaq ki, iyul ayında Rusiya Xarici İşlər Nazirliyinin rəsmi nümayəndəsi Mariya Zaxarova Estoniyanın hərbi potensialını artırmasının, xüsusilə də HIMARS raket sistemlərinin bu ölkəyə tədarükünün Moskva tərəfindən regionun hərbiləşdirilməsi kimi qiymətləndiriləcəyini bəyan etmişdi.
Bölmənin digər xəbərləri
