Estoniyanın Baş naziri Avropa Komissiyasının başçısı postuna namizədliyinin irəli sürülməsindən imtina edib
Moskva, 8 mart, AZƏRTAC
Estoniyanın Baş naziri Kaya Kallas Avropa Komissiyasının başçısı postuna seçkilərdə namizəd olmaq təklifindən imtina edib.
AZƏRTAC xəbər verir ki, bu barədə Kallas mətbuat konfransında bildirib.
“Mən bu təklifin həm müsbət, həm də mənfi tərəflərini ətraflı nəzərdən keçirdim, lakin Avropa Liberal və Demokratlar Alyansının rəhbərliyini məlumatlandırdım ki, bu rolu üzərimə götürməyəcəyəm” – o deyib.
“Mənim namizədliyimin irəli sürülməsi Estoniyaya iri debatlarda problemlərimizi qaldırmaq üçün yaxşı fürsət verəcək. Lakin bu iş mənim namizədliyim irəli sürülmədən də yerinə yetirilə bilər”, - deyə Kallas əlavə edib.
İyunun 6-9-da keçirilməsi nəzərdə tutulan seçkilər Avropa İttifaqının əsas təsisatlarının, o cümlədən Avropa Komissiyasının birinci şəxslərinin təyinatı ilə nəticələnəcək.
Hazırda Avropa Komissiyasına Ursula Fon der Lyayen başçılıq edir.
Bölmənin digər xəbərləri
