Eusebio Di Françesko: “Roma” “Liverpul” ilə cavab qarşılaşmasında məğlubiyyətin əvəzini çıxmağa çalışacaq
Roma, 28 aprel, AZƏRTAC
UEFA Çempionlar Liqasının yarımfinal mərhələsində “Liverpul”a 2:5 hesab ilə məğlub olan paytaxt klubu “Roma” cavab qarşılaşmasında bu məğlubiyyətin əvəzini çıxmağa çalışacaq.
AZƏRTAC ANSA informasiya agentliyinə istinadla xəbər verir ki, bu sözləri “Roma” klubunun baş məşqçisi Eusebio Di Françesko deyib.
Məşqçi əlavə edib ki, hər şeyin mümkünlüyünə böyük ümidlər bəsləyirik.
Qeyd edək ki, “Barselona”ya səfərdə 1:4 hesabı ilə məğlub olan Di Françeskonun yetirmələri turnirin favoritlərindən hesab edilən “Barselona”nın qapısında 3 cavabsız top keçirərək adlarını yarımfinala yazdırıblar.
“Gələn həftə paytaxt Romada baş tutacaq cavab qarşılaşmasında “Roma” “Liverpul” ilə görüşdə azarkeşlərinə buna bənzər daha bir sürpriz etməyə çalışacaq”,-deyə baş məşqçi qeyd edib.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
