Evdə sosial xidmət göstərilən ahıl vətəndaşın 100 illiyi qeyd edilib
Bakı, 8 yanvar, AZƏRTAC
DOST Agentliyinin 5 saylı Bakı DOST Mərkəzinin əməkdaşları evdə sosial xidmət göstərilən daha bir ahıl vətəndaşın – Gilə Novruzovanın 100 illik yubileyini onunla birlikdə qeyd ediblər.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, yubilyarı evində ziyarət edən mərkəzin əməkdaşları onu doğum günü münasibətilə təbrik edib, agentliyin rəhbərliyi və kollektivi adından ən xoş arzularını çatdırıblar.
Ziyarətdən məmnun qalan G.Novruzova ona göstərilən diqqətə görə təşəkkür edib.
Qeyd edək ki, 1926-cı ildə Qərbi Azərbaycanda anadan olan Gilə Novruzova İkinci Dünya müharibəsində arxa cəbhədə göstərdiyi xidmətlərə görə orden və medallarla təltif edilib. Ona 2023-cü ildən 5 saylı Bakı DOST Mərkəzi tərəfindən sosial-məişət xidməti göstərilir.
Bölmənin digər xəbərləri
