Fərid Mansurov: Məşqçilər idmançıların sağlam və vətənpərvər insan kimi formalaşmasına çalışmalıdırlar
Bakı, 31 avqust, AZƏRTAC
Gənclər və İdman Nazirliyi idmançılara diqqət və qayğı göstərir. Federasiyalar da nazirliklə bu sahədə paralel fəaliyyət göstərməlidir. Nazirlik təlim-məşq toplanışları təşkil edir, idmançıları yarışlara ezam edir. Nəzərə almaq lazımdır ki, idmançı hər gün federasiyada məşqçilərin gözü qarşısındadır. Federasiyanın qarşısında duran əsas hədəflərdən biri də idmançıları daim diqqətdə saxlamaq, onların ustalıqlarını artırmaqla yanaşı, cəmiyyət üçün sağlam və vətənpərvər insan kimi formalaşdırmaqdır.
AZƏRTAC xəbər verir ki, bunu Gənclər və İdman Nazirliyinin idman şöbəsinin müdiri, Olimpiya çempionu Fərid Mansurov nazirliyin “Facebook”dakı rəsmi səhifəsində canlı bağlantı zamanı deyib.
F.Mansurov qeyd edib ki, məşqçi həm də bir pedaqoq kimi idmançının tərbiyəsi ilə də məşğul olmalıdır. Onun vəzifəsi idmançı ilə yalnız məşqlər keçmək deyil. O, həm də idmançını zərərli vərdişlərdən uzaqlaşdırmalı, onların hərtərəfli və sağlam yetişməsinə çalışmalıdır.
Bölmənin digər xəbərləri
