Fernando Alonso: Gələn il “Maklaren” daha yüksək mövqe qazanacaq
Bakı, 24 dekabr, AZƏRTAC
Formula 1 üzrə ikiqat dünya çempionu Fernando Alonso hesab edir ki, 2019-cu ildə “Maklaren” ötən mövsümdəkindən daha yaxşı nəticələr göstərə biləcək.
AZƏRTAC xəbər verir ki, F.Alonso deyib: “Düşünürəm ki, növbəti mövsümün maşını daha yaxşı olacaq, çünki komanda ötən mövsüm təcrübə qazanıb. Biz 2019-cu il üçün nəzərdə tutulan elementləri 2018-ci ilin iyulundan test etməyə başlamışıq. Əhvalımız yaxşıdır, çünki problemləri müəyyən edərək inkişafımızın istiqamətini düzəltmişik.
Düşünürəm ki, 2017-ci ildə şassi rəqabətədavamlı olub. GPS-in məlumatına görə, biz döngələrdə çox sürətli olmuşuq. Amma 2018-ci ildə bir addım geriləmişik. İndi bunun səbəbini başa düşmüşük. Məncə, gələn il komanda daha yüksək mövqe qazanacaq”.
Bölmənin digər xəbərləri
