“Ferrari” və “Alfa Romeo” komandalarının adlarında dəyişiklik edilib
Bakı, 11 dekabr, AZƏRTAC
Formula 1 üzrə dünya çempionatında mübarizə aparan “Ferrari” və “Alfa Romeo” komandalarının adlarında dəyişiklik edilib.
AZƏRTAC xəbər verir ki, hazırda rəsmi olaraq “Scuderia Ferrari Mission Winnow” adı ilə mübarizə aparan İtaliya komandası sadəcə “Scuderia Ferrari” adlanacaq. 2018-ci ildə “Filipp Morris İntenational” tütün şirkəti ilə müqavilə imzalayan “Ferrari” məcburiyyətdən belə bir addım atmaq qərarına gəlib. Artıq avtodromlarda tütün şirkətlərinin reklamı ləğv edilir.
Son bir neçə ildir digər komandalar da bolidlərindən zərərli vərdişlərin təbliğini əks etdirən yazıları yığışdırır. “Alfa Romeo Racing ORLEN” komandası isə adında cüzi dəyişiklik edib. Bundan sonra komanda “Alfa Romeo F1 Team ORLEN” adlandırılacaq.
Bölmənin digər xəbərləri
