FHN rəsmisi: Texniki təhlükəsizlik sahəsində ötən illərə nisbətən müsbət tendensiya var
Bakı, 13 oktyabr, AZƏRTAC
Texniki təhlükəsizlik sahəsində aparılan monitorinqlərin nəticələrinə görə, ötən illərə nisbətən daha yaxşı tendensiya müşahidə olunur.
Bunu Gəncədə AZƏRTAC-ın bölgə müxbirinə açıqlamasında FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun şöbə müdiri Vüqar Xəlilov deyib.
O qeyd edib ki, Gəncə şəhərində keçirilən “Texniki təhlükəsizlik bizim prioritetimizdir” mövzusunda seminar-müşavirənin əsas məqsədi texniki təhlükəsizlik sahəsində təhlükə potensiallı obyektləri istismar edən müəssissə və təşkilatın rəhbərlərini, mühəndislərini maarifləndirmək, onların texniki təhlükəsizliyini təmin etməkdir: “Vəziyyətlə bağlı aparılan monitorinqlərin nəticələrinə görə, ötən illərə nisbətən daha yaxşı tendensiya müşahidə olunur. Müəssisələr əməyin mühafizəsinin təşkilinə, texniki təhlükəsizliyin təmin olunmasına daha çox diqqət ayırırlar”.
Bölmənin digər xəbərləri
