FİFA-nın baş katibi vəzifəsindən kənarlaşdırılıb
Bakı, 14 yanvar, AZƏRTAC
FİFA-nın baş katibi Jerom Valke vəzifəsindən kənarlaşdırılıb.
AZƏRTAC xəbər verir ki, bu barədə qurumun rəsmi saytı məlumat yayıb. Jerom Valke 2014-cü ildə keçirilmiş futbol üzrə dünya çempionatında qanunsuz yolla bilet satışında şübhəli bilinir.
2007-ci ildən FİFA-nın baş katibi vəzifəsində çalışan Jerom Valkeni Markus Kattner əvəzləyəcək.
Qeyd edək ki, J.Valke səlahiyyətlərinin icrasından sentyabrda kənarlaşdırılmışdı. Oktyabrda 90 günlüyünə vəzifəsindən uzaqlaşdırılan Valkenin müddəti yanvarda daha 45 gün artırılıb. Yanvarın 7-də isə FİFA-nın Etika Komitəsinin Arbitraj Palatası tərəfindən funksionerə qarşı iş açılıb.
Bölmənin digər xəbərləri
