İDMAN
Formula 1 Azərbaycan Qran-Prisinin start düzülüşü
![](/files/galleryphoto/2023/1/1200x630/1682701575290417887_1200x630.jpg)
![](/files/galleryphoto/2023/1/1200x630/1682701576555999659_1200x630.jpg)
Bakı, 28 aprel, AZƏRTAC
Formula 1 Azərbaycan Qran-Prisinin sıralanma turuna yekun vurulub. Yarışın nəticəsinə görə, aprelin 30-da Bakı şəhər halqasında keçiriləcək Azərbaycan Qran-Prisinin start düzülüşü bəlli olub.
AZƏRTAC start düzülüşünü təqdim edir:
1. Şarl Lekler (“Ferrari”)
2. Maks Ferstappen (“Red Bull Racing”)
3. Serxio Peres (“Red Bull Racing”)
4. Karlos Sayns (“Ferrari”)
5. Luis Hamilton (“Mercedes”)
6. Fernando Alonso (“Aston Martin”)
7. Lando Norris (“McLaren”)
8. Yuki Tsunoda (“Alpha Tauri”)
9. Lens Stroll (“Aston Martin”)
10. Oskar Piastri (“McLaren”)
11. Corc Rassel (“Mercedes”)
12. Esteban Okon (“Alpine”)
13. Aleksander Albon (“Williams”)
14. Valtteri Bottas (“Alfa Romeo”)
15. Loqan Sarjent (“Williams”)
16. Quanju Cou (“Alfa Romeo”)
17. Niko Hulkenberq (“Haas”)
18. Kevin Maqnussen (“Haas”)
19. Pyer Qasli (“Alpine”)
20. Nik de Vris (“Alpha Tauri”).
Formula 1 üzrə dünya çempionatının dördüncü mərhələsinə Bakı ev sahibliyi edir. Altı kilometr uzunluğu olan və saat əqrəbi istiqamətinin əksinə hərəkət edən trek məşhur almaniyalı memar Hermann Tilke tərəfindən hazırlanıb. Azadlıq meydanından başlayan trek Hökumət Evinin ətrafı ilə fırlanaraq Qız qalasına çatmaq üçün İçərişəhər ətrafında 2,2 kilometr dairə vurur və Neftçilər prospektinə çıxaraq başlanğıc yerində sona çatır. Trekin ən geniş yerinin eni 13 metrdir, ən dar hissəsi trekin İçərişəhər ətrafında olan hissələrində, o cümlədən 7-ci və 8-ci döngələrdə 7,6 metr təşkil edir.
Qeyd edək ki, Azərbaycan Formula 1 yarışlarına yeddinci dəfədir ev sahibliyi edir.