Formula 1 Meksika Qran-Prisi 2018-ci il mövsümünün ən yaxşı mərhələsidir
Bakı, 10 dekabr, AZƏRTAC
Formula 1 Meksika Qran-Prisinin təşkilatçıları Sankt-Peterburqda FIA-nın təntənəli mükafatlandırma mərasimində 2018-ci ilin ən yaxşı mərhələ yarışına görə mükafata layiq görülüblər.
AZƏRTAC xəbər verir ki, Meksika Qran-Prisi bu mükafatı dalbadal dörd ildir alır. Xatırladaq ki, həmin mərhələdə Maks Ferstappen qələbə qazanıb. “Ferrari”nin pilotları Sebastyan Fettel və Kimi Raykkonen fəxri kürsünü onunla bölüşüblər. “Mersedes”in pilotu Lyuis Hemilton məhz bu yürüşdə vaxtından əvvəl beşinci titulunu qazanıb.
Xatırladaq ki, L.Hemilton mərasimdə “İlin adamı”, Şarl Lekler isə “İlin debütantı” sayılıblar. Niki Lauda və Toto Volf FIA prezidentinin xüsusi mükafatına layiq görülüblər. Gələn il mükafatlandırma mərasimi Parisdə keçiriləcək.
Bölmənin digər xəbərləri
