Formula E yarışının birinci mərhələsi təxirə salınıb
Bakı, 23 dekabr, AZƏRTAC
Formula E yarışının birinci mərhələsi təxirə salınıb.
AZƏRTAC xəbər verir ki, gələn il yanvarın 16-17-də Çilinin paytaxtı Santyaqoda keçirilməsi nəzərdə tutulan yarış koronavirus pandemiyasına görə təşkil olunmayacaq.
Formula E komandalarının əksəriyyəti Böyük Britaniyada yer alır və bu ölkədə epidemioloji vəziyyətin ürəkaçan olmadığı üçün Çili hökuməti Avropa dövlətləri ilə aviareysləri dayandırıb.
Yarışın yeni tarixi barədə qərar Çili hökuməti və Formula E rəhbərliyi arasında aparılacaq danışıqlardan sonra veriləcək.
Formula E-nin yeni mövsümünə fevralın 26-da Səudiyyə Ərəbistanında start verilməsi nəzərdə tutulur.
Bölmənin digər xəbərləri
