Fransa millisində ciddi itki: “Liverpul”un hücumçusu dünya çempionatını buraxacaq
Bakı, 15 aprel, AZƏRTAC
Dünya çempionatında iştirak edəcək Fransa millisi ciddi itki ilə üzləşib.
AZƏRTAC xəbər verir ki, "Liverpul"da çıxış edən fransalı hücumçu Uqo Ekitike ciddi zədə alıb. UEFA Çempionlar Liqasının 1/4 final mərhələsinin PSJ ilə cavab oyununda (0:2) 23 yaşlı futbolçunun axill vətəri qopub. Bununla da o, dünya çempionatına yollanmaq şansını itirib.
Qeyd edək ki, ABŞ, Kanada və Meksikanın birgə ev sahibliyi edəcəyi dünya çempionatı iyunun 11-dən iyulun 19-dək 48 komandanın iştirakı ilə keçiriləcək. Fransa millisi mundialın qrup mərhələsində Seneqal, İraq və Norveçlə qarşılaşacaq.
Bölmənin digər xəbərləri
