Fransada koronavirusa gündəlik yoluxanların sayı 20 min 177 nəfər olub
Paris, 10 yanvar, AZƏRTAC
Fransada son sutkada COVID-19 pandemiyasına 20 min 177 yeni yoluxma və xəstəxanalarda 171 ölüm faktı qeydə alınıb.
AZƏRTAC xəbər verir ki, bu haqda Fransa Səhiyyə İdarəsi məlumat verib.
Bildirilib ki, pandemiya başlayandan ölkədə koronavirusa yoluxanların ümumi sayı 2 milyon 767 mindən çox, ölənlərin sayı isə 67 min 599 nəfərə çatıb. Son həftə ərzində virusa gündəlik yoluxma 20 mindən çox olub. Xəstəxanalarda 24 min 273 koronavirus xəstəsi müalicə alır. Reanimasiya şöbələrində 2609 ağır xəstə olduğu qeyd edilir.
Buş-dü-Ron departamentində 24 nəfərdən ibarət qrup yoluxmasında Böyük Britaniya ştammı aşkarlanıb. Prefektura bu departamentdə komendant saatını irəli çəkib. Ümumilikdə, yeni 10 departamentdə komendant saatının vaxtı dəyişdirilib və axşam saat 18:00-dan səhər 06:00-dək davam edir.
Ölkədə peyvənd kampaniyasının sürətləndirilməsi istiqamətində tədbirlər görülür. Yanvarın sonundan AstraZeneca peyvəndinin istifadəsinə də icazə veriləcəyi bildirilir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
