FRANSANIN NİTSA ŞƏHƏRİNDƏ AVROPA XƏBƏR AGENTLİKLƏRİ ALYANSININ KONFRANSI KEÇİRİLİR
AZƏRTAC xəbər verir ki, Fransanın məşhur kurort şəhəri Nitsada Avropa Xəbər Agentlikləri Alyansının (EANA) “Xəbər agentliklərində innovasiyalar və innovasiya prosesinin idarə edilməsi” mövzusunda konfransı və alyansın Baş Məclisinin növbəti iclası keçirilir. Bu mötəbər tədbirlərdə ölkəmizi Azərbaycan Dövlət Teleqraf Agentliyinin - AZƏRTAC-ın Baş direktoru Aslan Aslanov təmsil edir.
Sentyabrın 24-də Aralıq dənizinin sahilində yerləşən “Şeraton” hotelində təşkil edilən rəsmi qəbulda EANA-nın prezidenti, Avstriyanın APA xəbər agentliyinin baş direktoru Volfqanq Vislozil qonaqları səmimiyyətlə salamladı, tədbirin əhəmiyyətini vurğuladı, forumun işinə uğurlar arzuladı.
Sentyabrın 25-də EANA-nın konfransı öz işinə başladı. EANA-nın prezidenti Volfqanq Vislozil “İnnovasiyalar, nailiyyətlər və inkişaf” mövzusunda məruzə ilə çıxış etdi.
Sonra konfransda “İnnovasiyalar, xəbər agentliklərində texnologiya innovasiyaları”, “Gənc oxucular üçün çalışma, innovasiya və dəyərin yaranması”, “Mediapankki - media arxivi və axtarış maşınının birləşməsi”, “Xəbər agentlikləri və onların müştəriləri üçün yeni biznes modeli”, “Bazarları inkişaf etdirmək üçün videoəməkdaşlıq “ və sair mövzularda məruzələr dinlənildi.
EANA Baş Məclisinin sentyabrın 26-da keçiriləcək iclasında bir sıra vacib məsələlər müzakirə olunacaqdır.
Bölmənin digər xəbərləri
