FRANSANIN REYUNYON ADASINDA ÇİKUNQUNYA QIZDIRMASI YAYILMIŞDIR
Tibb ekspertlərinin fikrincə, hazırda orada epidemiya ən yüksək nöqtəsinə çatmışdır. Lakin xəstəliyin yayılmasının tezliklə azalacağı gözlənilir. Prefekt infeksiya yayıcıları ilə, ilk növbədə, ağcaqanadlarla kimyəvi mübarizənin davam etdirilməsinin vacibliyini vurğulamışdır.
Çikunqunya qızdırması yüksək hərarətlə, əzələlərdə və oynaqlarda kəskin ağrılarla müşayiət olunur. Müasir təbabət bu xəstəliyi ətraflı öyrənmədiyindən, ona qarşı dərman və peyvənd yoxdur. Xəstələrə yalnız hərarəti aşağı salan və ağrıkəsən dərmanlar verilir.
Reyunyonda fevralın 27-dən martın 4-dək 13 min adam xəstələnmişdir. Virus qonşu adalara da sürətlə yayılır. Seyşel adalarında 4 mindən çox, Mavrikidə 2 min adam infeksiyaya yoluxmuşdur.
Bölmənin digər xəbərləri
