Futtenis üzrə Azərbaycan Super Liqasında 12 komanda birincilik uğrunda mübarizə aparacaq
Bakı, 8 fevral, AZƏRTAC
Fevralın 9-da futtenis üzrə Azərbaycan Super Liqası start götürəcək.
Azərbaycan Futnet Federasiyasının mətbuat xidmətindən AZƏRTAC-a bildiriblər ki, çempionatda 4 qrup üzrə 12 komanda mübarizə aparacaq. Hər qrupdan ilk 2 yeri tutan kollektiv 1/4 final mərhələsinə vəsiqə qazanacaq.
Artıq Super Liqanın püşkatma mərasimi də keçirilib. Püşkatmanın nəticələrinə görə, “Gənclərbirliyi”, “Meqa Hospital”, VİP birinci, “Şuşa-Qarabağ”, “Marafon”, “Asta” ikinci, “Yanq Boyz”, “Həmkar”, “Lion” üçüncü, “Alov”, “Atletiko” və “Meqa” dördüncü qrupda yer alıblar.
Marafon İdman Kompleksində keçiriləcək çempionat iki günü əhatə edəcək.
Bölmənin digər xəbərləri
