G20-nin enerji nazirləri bazarda sabitliyi təmin etmək üçün atılacaq addımları müzakirə edəcək
Bakı, 7 aprel, AZƏRTAC
G20 qrupuna sədrlik edən Səudiyyə Ərəbistanının və Beynəlxalq Enerji Agentliyinin (IEA) təşəbbüsü ilə aprelin 10-da G20 enerji nazirlərinin fövqəladə iclası keçiriləcək.
AZƏRTAC xəbər verir ki, nazirlər iclasda enerji bazarında sabitliyi təmin etmək üçün atılacaq addımları müzakirə edəcək.
ABŞ Dövlət Departamentinin enerji məsələləri üzrə katibinin müavini Dan Brouillette görüşün videokonfrans formatında keçiriləcəyini bildirib.
Qeyd edək ki, G20 ölkələrini Almaniya, ABŞ, Argentina, Avstraliya, Braziliya, Çin, İndoneziya, Fransa, Cənubi Afrika Respublikası, Koreya Respublikası, Hindistan, Böyük Britaniya, İtaliya, Yaponiya, Kanada, Meksika, Rusiya, Səudiyyə Ərəbistanı, Türkiyə və Avropa Komissiyası təşkil edir.
Bölmənin digər xəbərləri
