Gecə saatlarından başlayan güclü yağış davam edir - Faktiki hava
Bakı, 16 aprel, AZƏRTAC
Milli Hidrometeorologiya Xidmətinin aprelin 16-sı saat 10:00-a olan məlumatına əsasən, ölkə ərazisində kəskin hava şəraiti müşahidə olunur.
Xidmətdən AZƏRTAC-a bildirilib ki, gecə saatlarından başlayan güclü yağış, şimşək hazırda davam edir.
Düşən yağıntının miqdarı Bakıda və Abşeron yarımadasında 31 mm (aylıq normanın 134 faizi), Qobustanda 47 mm (aylıq normanın 94 faizi), Şabranda 34 mm (aylıq normanın 116 faizi), Mingəçevirdə 35 mm (aylıq normanın 102 faizi), Yevlaxda 30 mm (aylıq normanın 90 faizi), Xaçmazda 29 mm (aylıq normanın 96 faizi), Kürdəmirdə 28 (aylıq normanın 81 faizi), İsmayıllıda 27 mm (aylıq normanın 26 faizi), Qubada 25 mm (aylıq normanın 52 faizi), Qusarda 24 mm (aylıq normanın 50 faizi), Sabirabadda 24 mm (aylıq normanın 81 faizi), Qəbələdə 23 mm (aylıq normanın 22 faizi), Ağsuda 21 mm (aylıq normanın 31 faizi), Zərdabda 21 mm (aylıq normanın 68 faizi), Goranboyda 20 mm (aylıq normanın 64 faizi), Göygöldə 17 mm (aylıq normanın 20 faizi), Göyçayda 17 mm (aylıq normanın 34 faizi), Oğuzda 16 mm (aylıq normanın 16 faizi), Gəncədə 16 mm (aylıq normanın 51 faizi), Naftalanda 16 mm (aylıq normanın 42 faizi), Şəmkirdə 16 mm (aylıq normanın 45 faizi), Şamaxıda 15 mm (aylıq normanın 22 faizi), Bərdədə 15 mm (aylıq normanın 44 faizi), Tərtərdə 15 mm (aylıq normanın 44 faizi), Ağstafada 14 mm (aylıq normanın 37 faizi), Ağdamda 14 mm (aylıq normanın 29 faizi), İmişlidə 14 mm (aylıq normanın 47 faizi), Tovuzda 13 mm (aylıq normanın 34 faizi), Şəkidə 13 mm (aylıq normanın 14 faizi), Biləsuvarda 11 mm (aylıq normanın 32 faizi), Neftçalada 10 mm (aylıq normanın 30 faizi), Zaqatala, Lənkəran, Balakən, Sədərək, Lerik, Şərur, Şahbuz, Naxçıvan, Ceyrançöl, Astara, Xocalı, Yardımlı, Füzuli və Ordubadda 1-8 mm-dir.
Yağan intensiv leysan xarakterli yağışlar nəticəsində aprelin 16-sı səhər saatlarından başlayaraq Şabran rayonu ərazisindən keçən Gilgilçaya və Quba rayonu ərazisindən keçən Qudyalçaya sel gəlib.
Dağlıq ərazilərdə qar yağıb. Qarın hündürlüyü Xınalıqda 37, Qrızda 30, Qusarda 17, Altıağac, Xaltan, Gədəbəy, Kəlbəcər, Laçın, Şuşa, Daşkəsəndə 1-5 santimetr olub.
Güclü şimal-qərb küləyi əsir, küləyin maksimal sürəti Bakıda və Abşeron yarımadasında saniyədə 34, Altıağacda 19, Şamaxı, Naftalanda 18, Qubada 16 metrə çatıb. Neft Daşları stansiyasının məlumatına əsasən, dənizdə dalğanın hündürlüyü 3 metrdir.
Havanın minimal temperaturu Bakıda və Abşeron yarımadasında 8, Naxçıvan MR-da 3, Aran rayonlarında 10 dərəcəyədək isti, dağlıq rayonlarda isə 3 dərəcəyədək şaxta qeydə alınıb.
Bölmənin digər xəbərləri
