GƏLƏN İL NEFT HASİLATI 28 MİLYON TONDAN ÇOX OLACAQ
Azərbaycan Respublikası Dövlət Neft Şirkətindən AZƏRTAC-ın müxbirinə bildirmişlər ki, 2006-cı ildə respublikamızda neft hasilatının builkindən 42,4 faiz çox, yəni 28,55 milyon ton olacağı proqnozlaşdırılır. Artımın əsas hissəsi “Əsrin müqaviləsi” layihəsinin həyata keçirilməsi hesabına olacaqdır. Gələn il Azərbaycan Beynəlxalq Əməliyyat Şirkəti Xəzərdən 19,8 milyon ton neft çıxaracaqdır. Bu ilin sonunadək həmin göstəricinin 11,3 milyon ton səviyyəsində olacağı gözlənilir. Dövlət Neft Şirkəti üzrə hasilatın gələn ildə də 8,75 milyon həcmində sabit qalacağı nəzərdə tutulur.
Ötən il dənizdən 15,55 milyon ton neft çıxarılmışdır.
Bölmənin digər xəbərləri
