GƏLƏN İLİN DÖVLƏT BÜDCƏSİ DAHA ŞƏFFAF OLACAQDIR
Milli Məclisin iqtisadi siyasət məsələləri daimi komissiyasının sədri Səttar Səfərov müxbirimizə demişdir ki, 2004-cü ilin dövlət büdcəsi öz artımına və şəffaflığına görə əvvəlkilərdən əsaslı surətdə fərqlənəcəkdir. Gələn ilin dövlət büdcəsinin gəlirlər hissəsində Neft Fondunun gəlirləri də öz əksini tapacaqdır. Bundan əlavə, büdcə-vergi siyasətinin istiqamətlərində bir sıra dəyişikliklər edilməsi nəzərdə tutulmuşdur. Belə ki, iqtisadiyyatın vergi yükünün bir qədər də azaldılması istiqamətində tədbirlər görüləcəkdir. Ümumi Daxili Məhsulun artımı onu deməyə imkan verir ki, gələn ildə də əhalinin əmək haqları artırılacaqdır.
Bölmənin digər xəbərləri
